極上大喜屋一路都想去試
短片介紹 : https://youtu.be/chthlzu5080?si=H6OigCsDqWQPKkkd
今日老公終於得閒同我去食lunch
一早book左枱，黎到即入座
入面地方好大，好多卡位，坐得舒服
日式刺身
多款選擇、夠曬新鮮、鮮味、質素好好！
特別要讚 大赤蝦真係好大隻，肉質肥美，正！
長腳蟹，肉質鮮甜！
日式壽司
好多類特別配搭既壽司款式
大堂海鮮冷盤
蝦新鮮、爽口
中式類
蝦餃好味，蝦肉多
燒米 、潮州粉果，味道都不錯，有酒樓水準
金蒜粉絲蒸扇貝，扇貝大大隻
金湯慢煮鮑魚花膠盛，花膠大大片都厚身，入口滿滿膠質，鮑魚都唔細隻！
薑蔥爆鱔球，鱔球爽口彈牙！
皇牌燒乳鴿王，醃既味道好，唔太咸而且上菜時仲脆皮！
燒物
鵝肝多士，入口即化配埋脆卜卜多士，一流！
烤羊架，肉質淋滑，醃得好味！
燒牛舌、燒雞翼、燒菠蘿、燒翠肉瓜
炸鵪鶉蛋、炸雞翼、炸蝦天婦羅
西京燒比目魚-好味，醬汁調到岩岩好，燒魚又燒到岩岩好，無過曬火喉！
主食
香煎大虎蝦拌黑松露忌廉汁，啲個真係超出想像的好味，個黑松露忌廉汁同個脆面勁配，隻蝦又煎得好彈牙！
鮮蟹粥，粥底好綿，隻蟹好有肉！
雪花牛肉鍋，足料，好多片牛肉，又有埋蛋、豆腐、菜、粉絲！
一品蟹皇小籠包伴面，好多蟹粉，啖啖面都會食到，不錯！
甜品
軟雪糕，有密瓜味同乳酪味，勁香濃既密瓜味道，正
極尚椰皇燉燕窩，香濃既椰皇汁加蛋白，燉出來好正，加埋燕窩，夠曬滋補！
極品金枕頭榴蓮燒，燒過真係特別濃郁！
最後食埋我至愛既可樂酸糖同飲反罐解茶消消滯來收尾，perfect!
*************************************
Love & Thanks
Silvia ( 詩詩 ) ：tansilvia@hotmail.com
沒有留言:
張貼留言