詩+ 部落

每年冬天都發現補水真係超級重要 ..  因為天氣真係好乾 . 就算你一日飲足八杯水 ..  都未必真係可以為肌膚補充到足夠既水份 ..  所以 .. 除左飲水 .. 就要加埋外full 先得啦 ~~  今次為大家介紹的 . 係佢 CLINIQUE 既 皇牌產品 : 滋潤高效水嫩補濕霜 ( HKD$350 / 50ml ) 成份介紹 : 蘊含角鯊稀及紅藻類萃取液等主要成分，天然植物精華及蘆葦成分，特別舒緩及鎮靜乾渴脆弱肌膚。 功能 : 有效維持水分平衡，即時及持久密集式為肌膚補充水分，皮膚變得健康、豐盈、飽滿，水潤持續 24 小時。 使用方法 : 除了獨立使用，亦可與其它潤膚霜、粉底使用，甚至於睡前厚塗作面膜。 包裝 : 粉紅色玻璃樽 . 好高貴既外型 .. 真係引死人 跟住打開看下 ... 原來d cream 係白色架喎 ... 我仲以為會係淡粉紅色tim .. 哈哈 ~~~ 上手質地 感覺都几厚身 . 但都几容易推開的 ... 跟住再加上按摩 ... 吸收得快好多 ~~ 吸收後 . 更見光滑 .. 仲好飽滿添 ~~ 咁因為我好小化妝 . 所以我無用過佢來當粉底霜用 ... 反而我會當佢做 sleep mask or deep water mask ~~~ 因為我本身個鼻都係油油地的 .. 而油的原因當然係補水不足啦 ~~~ 所以最近 , 每晚我都用佢來幫個鼻仔full 個厚 mask ~~ 大約一個星期左右 . 油鼻bye bye ... 真係好開心 ... 佢個補濕能力真係几強 ... 我真係會愛上佢呀 ~~~ ***************** 詩詩 : tansilvia@hotmail.com http://tansilvia521.blogspot.com/  

祝各位靚仔靚女的朋友們 身體健康 ! 心想事成 ! 招財進寶 ! 出入平安 ! 開開心心 ! 笑口常開 !

今年的團年真的有點不同 . 因為我已成家啦 ... 所以今年團年 . 會分別到娘家及男家食團年晚宴 .. 但已成家的我 . 當然想兩小口子也來個團年晚宴吧 .. 所以小試牛刀 .. 煮一煮新年常見菜式 先來一個 : 鯊魚骨螺頭湯 材料 : 東方紅湯包 / 雪耳 1 朵 / 廋肉 20 蚊 做法 : 1. 鯊魚骨 & 雪耳 & 螺頭浸軟 ( 我通常會朝早起身反工前浸 , 收工後煲 ) 2. 將所有材料放曬入煲 .. 3. 大火煲 30 分鐘 再轉細火煲 90 分煲 4. 最後熄火焗多 30 分鐘左右就飲得 ... ( 我連鹽都無落 , 已經好夠味 ) 冬菇蠔豉炆魚肚 (配生菜) 材料 : 蒜頭 / 冬菇 / 蠔豉 / 海蔘 / 魚肚 / 生菜 ( 蠔豉 - 熱水浸軟 / 魚肚 , 冬菇用水浸軟 , 冬菇去蒂 ) ( 海蔘切片後 , 用薑蔥出水 , 過一過冷河 . 再用小小麻油醃一醃 ) 汁料 : 紹酒 / 蠔油 / 麻油 / 糖 / 水 做法 : 1. 放蒜頭落鑊爆香 , 加入冬菇 & 蠔豉略炒一陣 2. 跟住就贊酒 , 等佢有啲香味 , 加入汁料 , 待汁料煮滾後 , 轉細火後炆一陣間 3. 再落埋啲海參一齊炆 (海參記得唔好咁早落鑊炆 , 因為過火會煮到溶哂) 4. 炆至所有材料腍身就攪掂 , 最後加少許麻油 , 上碟 檸檬雞翼 材料 : 雞翼 12 隻 / 片榶 1 塊(切碎) / 薑 4 片 / 檸檬 1 個 (切片) 汁料 : 麻油 , 老抽 , 蠔油 各 1 匙 做法 : 1. 燒熱個鑊 , 下油 , 油熱後下薑 , 爆香 2. 下雞翼 , 炒到表面轉熟熟地既色 , 轉中火 3. 跟住先加入檸檬片 , 再加入汁料 . 最後加埋片糖 , 轉細火 , 用蓋等佢自己炆大約15-20分鐘 , 搞點 * 如果係雪藏雞翼 , 因為佢會出水 , 所以可以唔洗加水 , 但期間要耐唔時打開看下 , 以免燶 * 甜酸蝦球 急凍蝦仁 12 隻 / 三色椒各一 汁料 : 茄汁 , 白沙糖 , 醋 ( 按個人喜好控制份量 ) 1. 蝦仁先過一過水 ...

年 ... 又過年  ....  時間過得真係快呀 ..  仲有不足一個星期就過年啦 ~~~  所以前几日去左做個靚靚 gel 甲 ...  紅色好似太成熟 .. 唔岩我啦 ..  咁我想大紫大紅下 ... 就來個大紫吧 !!!! 係咪好紫呢 .... 真係好鐘意呀 ~~~~  預祝大家 :  龍年行好運 . 心想事成 !! 

臨近過年 .. 諗住去剪下頭髮 ... 染下色 .. 點之兩者都失敗左 ... 先係去剪 ... 諗住簡簡單單 .. only 剪薄d同碎d ... 結果 . 就變左個大頭bb咁 !!  跟住回家再來個自家製染髮 ... 平時都無問題 . 唔知搞乜今次又唔上色 .... 結果 .. 就變成咁  唉 ... 真係好唔開心 .. 不過都無計啦 

唔知大家記唔記得 12月初時 . 我開始食佢呢 ?? 唔記得就可以去d到回顧一下 :  "介紹及一星期之小結 [SkinPeptoxyl Detoxifier SPA食住秀]" 到而家 . 大大話話都食左成個几月啦 ... 結果真係我意想不到 ... 但唔係意想不到的有效 ... 係意想不到的脹爆 .. 唉 ~~~ 先看看我未開始食時的肥面仔 ... 其實肥我就一向都係架啦 .... 但好在我塊面一向都尖尖地 ... 影相面尖絕對係呃到人 .... 未食葯前 ... 塊面都仲係好尖 (我自己覺得係) ... 跟住到食左聖誕 ... 朋友見到我問我係咪肥左好多 ... 因為塊面脹左好多 ~~ d張高炒自拍 .. 平時好少高炒影相的我 .. 點解要咁影 ??? 無錯 , 因為唔高炒的話 . 係唔會面尖 ... 同埋大家應該都見到兩邊面超多肉 ... 脹左好多 .. 就係因為咁 . 我決定係聖誕時 .. 由之前 only 午餐同晚餐先食變為早午晚三餐前都食葯 ... 但到左今日 ... 結果 !!!! 我個尖下巴無左 . 變左好多肉 ... 仲好似有小小雙下巴 !!!! oh my god !!!! 真係唔知點解 . d 葯越食越肥 !!! 真係唔知點解 .... so far 只係一個月 .. 點解會變化得咁大 .. 我真係好唔開心 .. 同埋食左葯之後便便次數小左 ... 但又成日谷住谷住咁 ... 唉 . 好怪 ... 可能係我個人體質問題 ... 隻葯唔岩我食啦 ~~~ 而家我仲有食緊 .. 但都開始考慮停左去 .. 因為越食越肥真係嚇死隔離 ...  最後 .. 加多張大合照 .. 等大家睇下我係咪真係肥左好多 !! ********************** 除左留言 , 有咩仲可以 email 比我 : tansilvia.hotmail.com Love & Thanks