2011年11月13日

一個毫不重要的電話 , 突然間有感而發 (好長篇)

我諗大家都成日會收到一d無聊 或者搵錯人既 call
我都唔例外 .. 但點解一個搵錯人既 call 會令我有感而發 ..
係因為
----------------- 好長的故事要開始啦 -----------------
事源 . 係大約几年前 ... 我每日大約 4-5 點左右就會收到一個call
係一位伯伯打來搵 "阿妹" 的 call ..
d伯伯係講鄉下話 . 所以我第一次接到call時 , 講極打錯佢都聽唔到 , 可能我當時接到d九唔搭八的電話己經唔太高興 ..
總之講極佢都唔明 . 我就變左直接cut 線 .. 點之佢 redial 喎 ...
我就唯有好聲好氣咁同佢講 .. " 阿伯 .. 你打錯呀" .. 咁佢又好有禮貌咁話 " 哎呀 . 打錯呀 . 唔好意思呀 "
如事者 .. d個電話 . 我大約每隔几日就會收到 ..
我由初頭好勞氣咁答 . 到最後都好聲好氣咁keep 住同阿伯講打錯 ...
而阿伯每次都係以笑住+有禮貌的回答唔好意思
d 個打錯的電話 ... 差不多持續左都有一年多 ....
跟住我就再無收過 ...
但當時 . 我已經覺得 . 好似隔日同阿伯的對話 . 以經唔似一個陌生人咁 ..
好似朋友咁 .. 因為佢每日打錯 . 有時我只係 "喂" 有一聲佢已經話 .. 哎呀 .. 又打錯呀 . 唔好意思 ..
哈哈 ... 所以 . 當再無收到佢電話時 .. 我真係有諗過 .. 阿伯會唔會係有咩事呢 ??
但我又唔係佢邊個 . 所以我都無去追查
點之 .. 係阿伯電話失蹤左大約大半年的時間後 ...
就到一個阿婆 .... 我估係佢老婆 ...
因為 d 個阿婆打來都係搵 "阿妹" ... 哈哈
但婆婆就會比較識講廣東話 . 所以佢都知打錯 ..
但一如阿伯咁 .. 佢都係keep 住打錯 ...
但時間無阿伯的咁長 ... 大約只係維持左大半年左右 ...
跟住 又失蹤 啦 .....
佢地兩老 ... 我估係兩公婆掛 ...
因為佢地每日都係四五點就會call佢地既 "阿妹"
時至今日 . 我已經接近有年多無收過佢地的電話lu ...
突然
今日電話響起一個陌生電話號碼
耳筒傳來的正是 "阿伯" 的聲音
他的聲音比以前老了一點 . 沒有以前的雄氣 ..
但都依舊都係以鄉下音說的個句 "喂 , 阿妹丫"
我聽後 ... 回答 " 你又打錯啦 "
阿伯還是以笑+禮貌的說 " 哎呀 , 不好意思 , 又打錯啦 "
哈哈 .. 其實打錯電話不是一件咩特別事
我諗無人會諗過出一篇文章去記錄一個"答錯線"的事 .
但我成日覺得 . 世事既野 . 好神奇 ...
個天可能知我掛住個老人家 . 今日令佢打錯個電話比我 .
等我可以再一次聽到佢的聲音
雖然我唔識d兩位 伯伯同婆婆
但係空氣中
我都想報以祝福 . 希望佢兩老
身體健康 ! 長命百歲 !
打錯比我唔緊要架 .. 我都好樂意聽到d一個"答錯線"的電話
^^

沒有留言:

張貼留言