保濕同時美白 [ 潤之戀 ]

潤之戀追求效果為本的醫學美容觀念
以臨床的前線醫生團隊配合日本專研
打造「高導入潤肌」、「水嫩剔透」、「日日敷用」配方
照顧你任何狀態的肌膚問題

以獨有「三重玻尿酸」成分
輕易擁有美白 , 潤澤及保濕的長期護膚效果

潤之戀極緻玻尿酸原液面膜
$55 / 10片

15分鐘極速保濕「水解玻尿酸」幫到你！
它可以深入滲透角質層，幫你天天保水達標！
讓你皮膚每天喝足8杯水！

塊 MASK 好水潤呀 ... 一拎出來就好水 ...
水到滴滴下 .. 哈哈
不過塊 MASK 就唔係太 FIT SIZE ..
眼位 , 鼻位同嘴位都大左小小
唔可以話完全 COVER 曬
不過佢真係好好好多保濕水
因為 ... 我一路FULL佢一路滑 ....

連條頸都好多保濕液 ..
好似可以 FULL 埋塊頸咁 ... 都几正

跟住就到 EYE MASK

潤之戀彈力煥白眼膜
$36 / 8對

15分鐘 ... 熊貓眼 BYE BYE ~~~

一包2片 ... SIZE 好大 ...
COVER 度好足夠
由眼頭到眼尾都 COVER 到 .. 几好
又係10-15分鐘就搞點 ...

最後 .. 先看下眼仔既結果

好好呀 ... 黑眼雖然仲有小小 ...
但眼袋明顯地係細左 ... VERY GOOD !!!

跟住 ... 想比大家看下 ...
佢真係好有美白同保濕

皮膚顏色平均左 ... 無咁紅之餘仲白左 .
真係唔錯

而家係10月1日前... 去萬寧掃貨仲有照價 75折
大家想試就快D去入手啦

想知佢地更多資訊https://www.facebook.com/MoriiSkincare

********************************
Love & Thanks
詩詩 : tansilvia@hotmail.com
www.tansilvia521.blogspot.com

偉大媽媽的成功 [ BlancNeige Skincare ]

"世上只有媽媽好 , 有媽的孩子樣個寶"

我諗d首歌應該無人未聽過啦 ....
原來除左中國 . 係日本都有位好偉大既媽媽

20多年前 , 一位媽媽 - Yukio Aikyama , 生左三位小寶寶

但眼見自己的小寶寶終日受到過敏皮膚的折騰
於是四出訪尋合適的護膚品 , 但可惜遍尋不獲 >_<
因為咁 , 所以佢決意自行研制最天然最有效的護膚產品
最後 , D位偉大的母親成功創造奇跡 , 創立了自己的品牌

~ BlancNeige ~

品牌法文名稱 BlancNeige , <雪白> 咁解
每件產品當中均都蘊含天然美白成份
媽媽心以“一切從天然出發”作為品牌護膚理念 , 早在 21 年前已深信必須用最天然和純正的材料
才可製造出最完美 , 最值得信賴的護膚產品 ,
她亦堅信不須誇張既廣告,內外華麗既包裝
以最低的成本同用最優質成份為客戶帶來健康美麗既肌膚

好開心 .. 可以接獨到D個牌子 ... 因為每年一轉季時 ..
我D皮膚都會感敏 ... 所以今次可以試下佢

今次好開心 ...
出席左D個由 A BitterSweet Life - Syreeta 靚女搞既 BlancNeige轉季護膚工作坊



又有得食又有得玩 ... 正呀 !

今日主要介紹 : AT Series

系列中的專利純肌活水可令肌膚持續保濕 , 循環補水 , 同步細致毛孔
仲有紫蘇D種日本香草係革命性既護膚瑰寶 , 當中蘊含豐富維他命,礦物質,B-胡蘿蔔素,亞油酸和糖蛋白
葉子精華蘊含有效預防癌症的高度抗氧化份,有助修護和重整肌膚
刺激細胞重生,修補受損肌膚細胞,減少肌膚因敏感反應,暗瘡,發熱,皮膚炎和濕疹引致的發炎情況

D 個 Series 只要簡易 3 step . 就可以搞點曬 !!!

1 . AT Soap (Wash)
全能修護肌膚潔面泡沫
HK$335/320ml



一支 ... 大大支 , 同時結合卸妝 , 潔膚及滋潤於一身
即使是連厚妝的粉底及睫毛液亦能輕易卸下
獨有的專利納米純水能深入肌膚 , 為肌膚深層清潔的同時更可鎖緊肌膚水份
幫助平衡油脂分泌
酸鹼值為 5.5 的 潔面泡沫 , 溫和不澀眼
於滑潔過程中替肌膚注入水份的同時亦絕不洗走水份 , 洗後絕對帶來繃緊感覺

泵裝設計 . 真係好方便
用面的話 . 每次一泵已經足夠
因為佢按極都有好多泡
而且D泡好細密 ... 點按佢都唔會話變水 . 滴到周圍都係

我會特別去按 T-Zone 位 . 因為佢個深層清潔真係做得几好
同埋佢洗完面真係無話會好乾 .. 反而好滑 .. 係超滑

2. AT Lotion (Nourish)
全能修復肌膚乳液
HK$495/100ml



乳液中含有紫蘇精華及專利太空納米純氷結合漢方精華
能修補底層細胞,使膠原組織回復彈性,豐盈質感可為肌膚帶來養份及水份
讓肌膚綻放光澤,並強化肌膚的免疫系統,減低敏感怖況
如作曬後舒緩液使用,更可舒緩曬後紅腫的肌膚,使肌膚回復水凝透亮。
吸收得超好的乳液呀 ...
只係几滴 , 就好足夠全面 ...
拍下拍下就吸收完 ...
前排日日曬完 . 放D係公司 ... 一反到公司抹完面就用佢拍下 ..
皮膚就即時補水咁 ... 唔會再紅卜卜 ... 真係好好

3. AT Gel (Lock)
全能修護啫喱
HK$490/100g

將足夠份量的 AT Gel 均勻塗於整張臉
啫喱狀的 , 搽上面就好似形成左一層薄紗 , 抵抗污染
讓水份進一步滲透肌膚 , 達到緊致和潤澤
內置的防曬功能令你全天 候 24 小時抵擋陽光的損害 , 鎖緊水份及營養
AT Gel 仲能減淡色斑及收緊肌膚 , 替肌膚添上一層強勁的天然水份保護膜 , 呵護脆弱肌膚 , 令肌膚培添幼滑

D個 GEL 用後好有種保護的感覺 ..
令皮膚更加有滋潤感 ...
水潤感覺好強

咁除左D 3 Step 外 ... 仲有一個加強保護油

AT OIL
全能修護精油
HK$290



AT OIL 來自生活在大洋州海洋深淵中的"橙連鰭鮭"魚
在這種魚脂肪 包含單酯脂肪酸,95%以上屬高品位和高等級醇
因為大多不飽和脂肪酸和酒精成分,他們仍處於常溫液體狀態
一般油性產品都令人很 抗拒, 但肌膚往往因缺油而乾燥脫皮
AT OIL 含最接近人體皮脂分 泌的天然油,為極乾燥肌膚帶來滋潤
迅速把營養及水份帶到底層,改善乾紋和皺紋

雖然佢係油 .. 但佢主力係可以更加強咁修護皮膚
而且吸收得好快 .. 令用者唔會覺得真係好油

最後 .. 仲有好多其他產品



全能精華素 : 一枝可以廋面 , 緊膚 , 補濕 , 滋潤同埋促進皮膚底層細胞更新既精華
四合一多功效急救面膜 : 好強的深層清潔 , 美白 , 補濕 , 緊緻 , 有效提升既四合一面膜
無油護膚防曬噴霧 : 全不含油份既防曬 ... 噴霧裝 , 勁方便 . 化左妝都用得 . easy to use ... good !!

最後 . 活動完結後 .. 大會仲為大家送上大禮
每人一套 3 step ...



勁開心 .. 回家即用啦



因為在活動中 ... 已被佢既滑深深愛上
所以我決定豪一次 ...
全面加全滑都用一次 ..
我大約4泵就可以用足全身 ... 都ok喎
唔會話超多 ...

用後 .... 嘩 .... 真係超滑呀
老公都讚呀 ...
但日日用就太豪啦 ...
所以而家 ... 我每星期一次 .. 當奬下自己啦 ... 哈哈

不過最開的的 . 都唔係滑咁簡單
因為每年一轉天氣
我d手手腳腳都會超乾
但現在只係每星期一次 ... 竟然暫時仲未見乾的感覺

好神奇 .. 希望繼續咁做
我會唔洗冬天時乾到爆啦

BlancNeige Skincare 更多資料
http://www.blancskincare.com
https://www.facebook.com/BlancNeige
***********************************
Love & Thanks
詩詩 : tansilvia@hotmail.com
www.tansilvia521.blogspot.com

生日大快樂 ... 仲有驚喜電話 !!!!

今年既生日月 ... 開心的事真係特別多

先有好姊妹係大熱天時陪我去 BBQ

再來係小妹生日西曆正日當日同為老爸舊曆生日

所以一同食飯慶祝

跟住老公又搞驚喜 ... 買來一個小小蛋糕

其實兩口子真係食唔到大的 .. d 個mini 的 .. 就岩

但都食左兩日 .. 哈哈

但最大的驚喜就係 ... 係生日的前一天 ... 收到一個令我覺得好開心的電話 !!!!

.

.

.

.

.

.

D個驚喜電話就係 U Travel 打比我的 

打比我做咩 ??

原來係話我之前參加左佢地個 開 blog 有禮活動中 

成為左寫文章寫得好的其中10位 . 

比佢地選中左 ... 得左奬 !!!! 

得奬作品：　

http://tansilvia521.blogspot.hk/2012/03/day-1.html

http://tansilvia521.blogspot.hk/2012/03/day-2.html

哈哈 .... 真係超開心呀 

生日前席收到個咁既電話 .. 

d份真係好大既禮物呀 !!!! 

但之前因為只收到電話 ... 又未有電郵領奬 , 

所以一路都未話比大家知 .. 

直至前日 ... 終於去左領奬啦 

奬品係

酒店房一晚 

船票 1 套 (來回) 

真係好開心呀 .... 因為寫blog咁耐 ... 

都無特別話比人覺得寫得好 .. 

d個真係一個好好的鼓勵呀 !!! 

不過 ... 我都要特別鳴謝一下我老公 .... 因為篇blog佢都有份一齊努力的 .. 哈哈

所以個奬品 . 我會同佢 share ... 哈哈

但個奬品 . 有小小唔好 . 就係只可以 一至四 去 ... 

所以 ... 我要同老公夾下几時可以請兩日假去lu ~~~~~~~ 

d個就係我想同大家分享我好開心的事啦 .... 

希望大家唔好 "車" 我啦 ... 哈哈

********************************************************

咁而家 U Travel 開新 blog , 再 share 你地既旅遊難忘體就有機會得到禮物呀 ~~~~~

報名詳情: http://www.utravel.com.hk/campaign/blog2/

或者去佢地 facebook 看下 : https://www.facebook.com/UTravel.com.hk

******************************************

Love & Thanks

詩詩 : tansilvia@hotmail.com

www.tansilvia521.blogspot.com

好味又簡單 [ 咖哩炒蟹 ]

我同老公都好鐘意食蟹架 ... 

但成日只係煮薑葱炒蟹的話 .. 又有d悶 

所以今次學習左個新野

*** 咖哩炒蟹 ***

真係好簡單 ... 又好味呀 .. 

第一次整都無失手

~ 材料 ~ 

蟹 2 隻

洋葱 1 個

紅辣椒 2 隻

~ 汁料 ~

雞蛋 2 隻

咖哩醬 2-3 湯匙 (用咖哩粉代替都可以)

淡奶 3 湯匙

沙糖 小小

魚露 1湯匙

上湯 1 碗 (我只係用清水)

~ 做法 ~

1. 先將一半既咖哩醬 + 雞蛋 + 淡奶 + 沙糖 + 魚露 攪埋一齊待用

2. 蟹洗好 . 劏好後 ... 開鑊, 先煮滾 1 碗水(上湯) , 放蟹 .... 焗到大約7成熟

3. 落切好的洋葱 , 紅辣椒 , 一半既咖哩醬 , 大火炒勻

4. 炒好後 . 用小小生粉水打個獻 .. 最後 .. 就倒埋個碗汁料落去 ...快手炒勻

就係咁簡單 ... 就食得啦

真係好好味呀 !!! 

大家快d試下啦 

*************************************************

Love & Thanks

詩詩 : tansilvia@hotmail.com

www.tansilvia521.blogpost.com

頭髮都要深層清潔 [TSUBAKI - HEAD SPA Extra Cleansing]

面部 ... 我地多數每星期都會做一次深層清潔
但頭髮呢 ?? 大家有無諗過會同佢去做深層清潔呢 ??

因為頭皮其實有好多頭油同頭皮 ...
就算每日洗頭 . 其實都未必可以洗得清

所以 ... 我地都要每星期同頭髮做個 Extra Clean

今次我要用的 .. 就係佢
TSUBAKI

D 個品牌 , 都好鐘意

今次佢新出左個好特別既產品

深層快感洗髮精
HEAD SPA Extra Cleansing$88/280ml

成份
深層清潔天然精油、頭皮養護精油、添加嚴選山茶花精油

功能
深層清潔天然精油、頭皮養護精油、添加嚴選山茶花精油

** 每星期使用一次深層潔淨修護 **

倒出來 .. 真係好油咁
但好香 .... 個香味好 relax ..
但又因為見咁油好擔心起唔到泡

不過擔心都無用 ... 試一試先

個頭先濕水 ... 跟住加上洗髮油 ...
先平均的塗抹於整體秀髮
慢慢按 . 就起泡 ....
起泡之後 , 要有效運用手指左右來回
從髮根往至頭部後方→耳後往頭頂→後頸部往頭頂的方向

** 特別是皮脂量較多的頭頂、頭部前方 , 需要更加仔細清洗 **

咁按按下 ... 都有好多泡架 ...
so good !!!

不過原來d洗髮油入眼都几"拿"眼的
大家先萬唔好學我咁影呀 .. 哈哈
跟住就過水清洗 ...

洗乾淨後 . 記得用上佢地一套的護髮素

因為only用完洗髮油後 ...
都會几乾 ....
所以一定要用下護髮素
用左後 ... 超滑

跟住吹埋頭 .... 真係有好明顯既對比
而且仲好滑

以下張相係洗頭後一日的對比

平時洗左頭後 ... 一日個頭就好笠 ...
今次用左d個做深層清潔後...
出街一日都唔笠 .. 而且好爽之餘又唔會話好乾
真係几好喎

以後要 keep 住每星期一次先得呀

想知佢地更多資料 : https://www.facebook.com/TsubakiHongKong?ref=ts

******************************
Love & Thanks
詩詩 : tansilvia@hotmail.com
www.tansilvia521.blogspot.com

盜賊門 + Beyond Angel Aqua系列 = 刺激 + 水潤

先來一場有d緊湊既電影 " 盜賊門 " 

今次可算是第二次去d一d ... 上次係桃姐 .... 坐 C 行 ... 

今次 ... 竟然又係 B 行 .... 

係咪其實所有 free 的都會係咁呢 ??

當晚睇 9:50 , 2小時16分既片長

真係有小小夜

不過唔緊要啦 .. 欣賞到好戲先係最重要 .. 

最後 . 大會仲送上小禮物

韓國人氣護膚品牌 BEYOND 

唔知大家有無見過呢 ??? 

早排係 SASA 門口成日都有隻大態貓派試用 ... 

就係佢D個品牌啦 !!!

品牌2005年成立 , 一直致力提倡 「大自然及人類的環保美學」 

韓國現擁有逾千銷售點 , 為當地最熱賣的有機及環保的本地美容品牌 

產品均由LG Household & Health Care環保實驗室研發

並堅持採用認可的原材料及有效的天然萃取物 , 提倡公平交易

絕不採用有毒的化學成份 , 不經動物測試 , 且必須經過嚴謹的3S評估（Safety, Satisfaction, Stability）

確保對人體安全無害

2012年 - 韓國視帝靚仔金秀賢獲邀擔任BEYOND的代言人 , 令品牌的「有機環保」美容概念更深入民心

修補之神面膜

D個比較想試 ... 因為佢話可以主力有較趕走暗沉膚色 

Mask size 比較大 .. 

連我d個一向大面的人 ... 都竟然有咁多位淨

可以 full 到點到頭髮 .. 真係第一次

不過亦因為佢大 .. 可以 cover 埋個下巴 .. 

都真係 ok ... 

15-20分鐘後 .

皮膚光滑左 ... 仲好水潤咁 .. 真係唔錯

跟住就用佢的 " 天使水份精華液 " 

$176/40ml

最強保濕產品 , 高效保濕鎖水 , 性質溫和 , 易於吸收 , 能為每個乾旱細胞注入水份 , 在肌膚深層打好基礎

精華液更有調節水油平衡功效 , 能解決最常見的「外油內乾」肌膚問題 , 有效地締造由內散發出的水漾潤澤美肌

入面好似水同油咁 . 所以我會搖一搖先用

(其實我都唔清楚係咪咁架 ... 大家去買時可以問一問)

咁直接倒出來 ... 開頭真係油油地 

不過只要輕輕推開 . 再加以按拍.

好快就吸收曬 ...

之後再用埋佢既 " 天使水份潤膚乳 "

$140/150ml

四季都岩用 . 除左做平常的潤膚乳外 . 仲可以厚搽 , 當 sleep mask 用都得 

另外 . 因為佢不含油性 , 所以仲可以作為妝後保濕之用 , 可以立即美肌之餘又可以防止影響妝容

而且佢因性質溫和 , 仲可以全身使用 , 灼傷既皮膚都得 ... 有強效既舒緩作用架 

同埋因為佢不含有害成份 .. 小朋友都岩用的 

佢個質地真係好 soft ... 好軟 .... gel 狀

好小份量已經足夠全面 .. 

輕輕推開 .好似有好多小水珠咁 ... 吸收得好快

跟住第二朝可以用 " SPF20++ 天使水份 BB 霜 "

D個 BB Cream 真係好水潤 ... 

初時吱出來時 . 都唔覺 .. 

但一推開就 feel 到 . 有好強的水份 .. 

但又好易推 .... 同埋佢真係好有效修飾

會好自然

Beyond Angel Aqua 天使水漾系列於全線莎莎化粧品店獨家發售

查詢電話 : 2505 5023

FaceBook : https://www.facebook.com/sasahongkong

***************************************

Love & Thanks

詩詩 : tansilvia@hotmail.com

www.tansilvia521.blogpost.com

結婚周年台北之旅 [ Day 1 : 台北車站、中正紀念堂、西門町]

遲左咁耐 . 終於有時間打反<結婚周年台北之旅>

由於選搭香港航空 , 最早只有 12:30 航班 , 

預計到達台灣機場係 2:00 , 咁再反到酒店大約係 3:00

咁都仲有半日玩 ..... 

雖然係買優惠機票 , 但航機一啲都唔殘舊 

之前三月香港航空首航飛台灣出現嚴重延誤

但好彩今次準時起飛 

台灣 .. .go go go

天氣非常好 , 希望台灣嚟緊五日都係咁好天 !!!

飛機上 , 每個位都有獨立電視 ... 

仲有電影睇 , 老公揀咗<關雲長>

但個半鐘機程應該睇唔哂 , 唯有睇得幾多得幾多啦 ~~~ 

飛機餐有好地道嘅星洲炒米 , 

但重辣味又無鑊氣 , 食咗兩啖就放棄lu

留肚到台灣食好嘢 ~~~ 

好快好快 .. 

就到達台北桃園機場 , 時間大約約係兩點 , 同預計一樣

朋友教係未入境之前d到兌台幣個兌換率會高啲

當日兌換率為$1港幣兌3.76台幣

兌換一萬蚊台幣 , 扣除手續費約$2,700

入境攞完行李後 , 就乘搭國光巴士到台北車站

兩人車票為T250 , 約$67

唔同香港機場巴士 , 國光巴士有車票同行李證

車程約一個鐘 , 因為夜晚要去夜市

所以爭取時間上車後先訓一陣補充體力 !!

好快好快 .. 訓醒就到達台北車站 !!!

台北車站內貌 , 感覺空曠但有點殘舊 

行程中會有一日到九份 , 咁我地先去售票處買定車飛先

但連續五日朝早七點車票已經沽清

最後買左第二日十一點既車票 , 比原先預計的遲咗四個鐘

因此老公話行程亦會有所更改 , 最後唯有取消十分及菁桐行程 ~~

買完飛 ... 穿過車站既地下街 , 行大約十分鐘路程就到達新驛旅店

比想像中易搵 !!! 

checkin 上房 , 房間整潔乾淨 , 浴室寬濶

唯有唔好處係個冷氣口對正床頭 , 調較後亦會吹正頭

最後老公要自己用毛巾堵塞出風口 .. 咁先叫好d呀 

跟住安頓好曬已三點半 , 即刻到附近旅遊書推介嘅良品牛肉麵試食 !! 

鎮店之寶係紅燒牛肉麵同水餃

牛肉麵好似無味嘅五香肉丁 , 而水餃就皮過厚

真係唔明點解旅遊書推介為必食 , 消費為T160 , 約$43

食飽飽就搭捷運去中正紀念堂站 

車站樓底比香港的為高，感覺好濶絡

中正紀念堂係台北必到景點 , 周圍都有指示 , 極易搵 

自由廣場 & 中正紀念堂留影

中正紀念堂內入面仲有個紀念館主要介紹蔣中正生平事跡 

參觀後天色極靚 , 夕陽斜伴紀念堂

真係好靚 ... 

跟住下一站到港人必到之西門町 , 捷運西門站一出就到

西門町似足旺角 , 啱哂後生仔 , 應該越夜仲會越旺 

西門紅樓位於西門町路口

為歷史建築物 , 現開放為藝術中心 

入去行左個圈 . 無野睇 ... 

台灣人應該喜愛飲咖啡啦

周圍都係咖啡店

而西門町出名的咖啡店為蜂大咖啡

店內裝飾簡約

同老公睇左陣 ... 點左杯招牌水滴冰咖啡

但唔記得咗影相 , 唯有用餐牌補數

咖啡不過不失 , 但咖啡味淡左d

消費T85 , 約$23

西門町有勁多商場 , 個個都好似旺中個d咁

真係啱哂shopping 

街頭又有好多地道小食 

撞啱仲有藝術愛好者表演噴漆畫 , 好靚呀

行到攰 , 我地晚飯就揀咗喺"樂也"食任飲任食自助燒烤

其實有好多間 .. 最後點解揀d間呢 . 

我都唔記得 .. 哈哈

不過都無揀錯 .. 因為有好多野食

上到去先知 ... 原來除左有得燒仲包埋打邊爐

有肉有菜有帶子兼且有haagen-dazs雪糕

埋單兩位 T1098，約$292

任飲任食都只係三舊水 , 真係好抵呀 !!! 

食完約大約11點 , 行多陣就搭捷運返旅店休息準備聽日九份行程啦 !!!! 

**************************************

Love & Thanks

詩詩 : tansilvia@hotmail.com

www.tansilvia521.blogspot.com