2012年8月5日

同老公兄弟之澳門飲食兩日團 (Day 2)

酒店包自助早餐 .. 
訓醒就同老公去看下有咩好食


西餐早餐 ... 不過一失啦 .. 
食飽飽 ... 上房抖到差唔多 check out 後就去繼續搵食

第一站 .. 去左d到 "瑪嘉烈萄撻"


之前未來過 ... 真係超多人呀 ... 
老公同朋友仔排左好耐先買到


新鮮出爐萄撻 , 好有蛋味 , 真係好好味
係香港應該食唔到咁好食嘅撻 !!

又食完 .. 就去行街啦 


議事亭 , 同大三巴 .. 指定地標啦 !! 
跟住就去買下手信 

跟住又係搵食 


d個係之前係中旅到訂酒店套票時送的
有豬扒包同果汁
不過間街鋪好唔起眼 , 好彩最後都揾到 ~~


雖然唔洗錢 . 但新鮮即整 . 好味 !!!

跟住又係去搵食 ... 哈哈


昨日係官也街食唔到蟹粥 , 所以今日由另一位朋友帶去再試另一間


d到主打介紹 , 當然係馳名蟹粥 & 蝦籽麵 .. 
蟹粥d到一窩已經要三百蚊 ... 雖然夠多蟹 , 但粥還粥味 , 蟹還蟹味 .... 我就唔太欣賞 .. 
蝦籽麵 , 就除左香之外乜都無 ... 都唔明點解可以賣五十蚊 !!!! 

而其他就食左小菜 .. 無乜特別 

跟住再去就係 . 


d 間野都几難搵 ... 但班男人話係必去喎 .. 
又跟住去 .. 
我就試左d到最出名的雪糕三文治


其實又無咩特別 .... 只係兩塊威化餅夾住三色雪糕 , 
不過最爆趣係問老闆有邊三隻味
佢答密瓜椰子同雲尼嗱 , 但最後竟然係咖啡椰子同無雲尼嗱味嘅雲尼嗱 , 比老闆呃哂 !!!

另外朋友叫左雪糕紅豆冰


杯野黑到好似紅豆沙咁 
聽返朋友講唔係太好飲 , 好彩無試呀 !! 

食完雪糕 , 我地就打的去左氹仔新濠天地再博刹過 !!


賭場其實對我既唯一好處係可以暫託行李 , 
我哋將所有行裝同手信都寄存係新濠 , 等今晚食完晚餐先返嚟拎 , 正 !


賭場入口既天花有一條龍既裝飾 , 好有型


係到玩左半個鐘左右 , 我地就去左官也街山度士餐廳食萄國菜
我哋去到六點但山度士開六點半,唯有企半個鐘等開門


等到六點半.. 終於入得 


山度士餐廳都有好耐歷史 , 每一年老闆都會將果年影嘅相鑲起掛牆 , 呢個裝飾幾特別呀 ! 

燒乳豬 ,餐廳推介 , 必叫 !! 


跟住其他就試左 
焗鴨飯 , 羊肉蜆 , 燴牛尾 , 燒沙甸魚 , 馬介休薯餅 , 燒雞 

全部都 ok ... 唔會話特別好食 
但就唔係大家講到咁好 ... 


所以d間餐廳 ... 下次都未必會再來啦 !!! 

兩日一夜 ... 真係好快 ... 雖然食次係一班男人既活動 
但大家都玩得好開心 .. 

遲下唔知仲有無機會再去呢 .. 

***********************************
Love & Thanks 
詩詩 : tansilvia@hotmail.com 



沒有留言:

張貼留言