Honeymoon之旅 - 蘇梅&曼谷 [Day 3]

Day 3 : 蘇梅 SPA + HAE 日

今日係最後留係D間酒店的一個早晨 ..

所以食完早餐就留係酒店漫步

廣闊既園景加青綠既草地 , 真係令人心曠神怡疲勞盡消呀 ~~

再睇下D個咁靚既沙灘 ~~ HAE住咁期待今日晏晝嘅spa

等到10點左右就Check out啦 , 跟住因為喺香港已book定做spa 

所以有專車接送到Eranda Spa ~~

大堂有各式各樣嘅

到達後 .. 有 Wellcome drink ~

唔知咩來 .. 唔好飲既 >_<

跟住填下資料 .. 望下地圖

原來Eranda Spa好大 , 霸佔住整個山頭 ~~~

跟住同職員傾好後 , 我哋被安排到有特大獨立浴室嘅屋沐浴更衣 .

Spa師傅手藝極好 , 唔經唔覺好快咁就按左兩個鐘 .. 超正呀 !!!!

Spa完仲有茶點招待 , 埋單計數spa兩個鐘每人泰殊1900約港紙$500 ~~

跟住轉頭又有專車送我哋走 lu ~~

我哋會留係蘇梅多一晚 ,

而家就出發去一間五星酒店Anantara Lawana Resort & Spa

Check in時又有wellcome drink , 不過又係好難飲 ~~~

跟住就入屋啦 ~~~

點解係入屋 ... 因為d間就係我地今晚住既獨立屋啦 ~~~

Impiana Resort 2晚收費係hkd1,100 , Anantara Lawana Resort 1晚大約要 hkd 2,200 .. 

分別係邊呢 ? 我相信同呢個獨立泳池有關 ~

跟住入到房就係張大床

間房間原來唔係好大 ... 細細地

隔離有對門 ....

出去就係一個露天既浴室同廁所 ~~

半露天既 ... 感覺有如置身於大自然之中 ~~ 哈哈

安頓好已經係兩點 , 即刻出去揾嘢食醫肚 ~~

不過我諗蘇梅啲人應該唔興嘆下午茶 , 因為大部份餐廳都打哂烊 ~~

最後終於比我地搵到間 ...

有得食

又係椰青同青檸沙冰 .... 

仲有泰式海鮮炒飯 + 正宗泰式冬陰公湯 !!! 好好味呀 !!

跟住食完返反酒店 , 酒店有 Common room , 老公係到嘆左杯cuppacinno仲上左一陣網 ~~

之後 ... 酒店除左私人泳池之外 , 仲有個私人沙灘 , 

距離獨立屋只係五分鐘路程 , 見有時間過去望一望 ~~~

行到過去嗰時應該係潮退之時 , 但仍然有遊人暢泳

沙灘設有大量沙灘椅同毛巾 , 供遊人曬太陽 , 正 !

玩夠水返反獨立屋 , d個時候枱面上已放左酒店送比我哋嘅Honeymoon蛋糕

酒店真係非常有心思 , 個 cake 仲好好味 tim 呀 ~~~

跟住休息左一陣 , 又係時候出去食晚飯 ~~~

今次搵左間泰式 feel d 的餐廳

又係例牌 . 先來個椰青先

跟住就到豐富晚餐

泰式春卷、冬陰公湯、炒蟹同青咖喱雞 !! 

係蘇梅咁多日 . 日日都有食蟹 ... d蟹真係好好味 !!!

最後仲有飯後生果贈送 ~~~

但因為酒店附近無咩嘢行 , 所以食完唯有返酒店休息同準備聽日離開蘇梅到曼谷 ~

第三日行程 ~ 完 ~

Honeymoon之旅 - 蘇梅&曼谷 [Day 2]

Day 2 : 蘇梅 Local tour Snorkelling trip

一天的新開始 ... 去食反個好美味的早餐先 ...

腸仔煎隻蛋 ~~~ 食飽飽後 .. 就開始我地今日既行程：Snorkelling trip

D 個 trip 我係香港已經 book 定 ... 每人thb1600 .. 大約係 hk400左右 , 包朝早去唔知咩島暢游浮潛 , 一餐Lunch 同埋 晏晝係個大海度浮潛 ~

朝早大約八點就有專車到酒店接我地去碼頭 ~~~

去到碼頭 , 有職員幫我地係手度帶上一條繩 , 佢解釋話係用黎識別團友

老公話 .. 乜咁兒戲呀 , 萬一浮潛時甩左點算 , 咁咪唔洗上船 ... 哈哈 ...

我又無諗過 .. 因為打左死結 .. 我諗 . 無咁易甩掛 ~~~~

跟住係未夠鐘就周圍影 ... 係碼頭對出好遠有個好靚既觀音 or 佛 ...

因為太遠太遠又背住睇得唔清楚 ~~~~

跟住就預備上船出海啦 ~~~

泊最出個艘就係載我哋去玩嘅船 , 咁大架應該夠穏唔會拋掛 ~~~~

開船後 ... 沿途有d島 , 石 , 屋咁 .... 但d屋起到咁近海邊 , 真係唔怕水浸架咩 ???

跟住 ... 坐左個領鐘左右就到 Koh Tao , 佢係蘇梅其中一個出名既島 ,

不過d到唔係我哋行程之一 , 我地只係路過 .. 哈哈

跟住我地就轉船去個島仔 .... d個時候仲獲派浮潛豬咀同救生衣

但無專人講解 , 唯有靠自己領悟點用啦 ~~~~

跟住就係要去浮潛個個沙灘啦 ... 咁要再轉一d超細的船 .. 

咁因為怕整濕部相機 . 所以就無帶啦 

只係帶左部防水相機 . 影下個海底 ... 陸上d靚景就無得post相啦 ~~~~

去到玩水 . d個沙灘真係好靚呀 ... 水清沙幼 , 同埋 . 真係有魚架 ~~~~

第一條比我見到的魚 ~~~~

玩到最後 ... 仲無lala有一大堆魚游埋來 .. 好正呀 ~~~~

跟住上反船 ... 就預備 lunch time啦 ~~~

一個個大大膠盒 ... 入面就係我地既 lunch 啦 ... 有咖喱雞 , 雜菜 , 仲有炒菜等等 ... 

飲品就有溝粉凍檸茶 ~~

味道方面 ... 就一般架啦 ... 不過岩岩做完運動 ... 最緊要係食得飽啦 ~~

食飽又繼續行程 , 大船駛到去某個沙灘對出就停左 , 附近都已經有船泊係度 ~~~

跟住大家就可以跳落海 .... 玩水啦 ~~~~

我地就先係船上到玩鍡魚 .... 超多魚仔呀 ~~~~

玩到大約3點左右就回程 . 差唔多4點終於反到地面 ... 咁個 trip仲有包埋專車送返酒店 , 總括嚟講呢個Day trip都唔錯呀 ~~

咁因為今日玩足一日 . 超累 .. 所以最後決定同老公係酒店食反個燭光晚餐 ~

酒店餐廳環境清優典雅 , 周圍都揚溢住浪漫氣氛 ~~~

今日本來想兩公婆一人一個棷青 .. 點知餐廳話得反一個 .. 唔通成個蘇梅都好缺貨 ??

所以老公最後又叫左'青檸特飲'

跟住就到我地個晚餐

前菜係泰式米通 , 味道一般 . 無特別 ...

再來青咖哩雞、咖哩炒蟹、炒飯 , 全部都好好味 ... 正呀 !

最後係戲肉 , 我最愛的芒果糯米飯 .....

d到將個原本好簡單的糯米飯 . 整到好似壽司咁 ,

外表好靚 ... 而味道仲超正 !!!!

芒果超甜 , 糯米飯好味 , 無得頂呀 !!! )到而家仲回味緊 ~~~~)

呢餐埋單都只係港紙二百五 , 超值呀 ~~~

受完豐富嘅晚餐後就反房休息lu ~~~

第二日行程 ~ 完 ~

Honeymoon之旅 - 蘇梅&曼谷 [Day 1]

雖然之前一早都諗好左 . 唔會一結完婚就飛 . 

但我地最後搞下搞下 .. 都結左婚成半年先真係成行 ...

d 個 Honeymoon 之旅真係 plan 左好耐 , 因為我同老公都諗唔到去邊 ..

但我自己就唔知點解 , honeymoon 總係要陽光與海灘咁 .. 先夠開心 ..

最後我地終於揀左係蘇梅同曼谷 , 可以享受陽光與海灘之餘 

仲可以滿足我既購買欲 , 一舉兩得 ~~ yeah !!!

book好曬機票同酒店後 ... 就可以出發啦 ~~~~

Day 1 : 香港 > 曼谷 > 蘇梅 , hae day ~

由於每日只有晏晝一班機去蘇梅 , 如果坐呢班機的話過到去會好夜

仲好似浪費左日咁 , 所以我地最後決定早機過曼谷再轉內陸機去蘇梅 ~~

晨早 check-in 後 .. 等上機 ...

架飛機已經等繄我地啦 ,

搭 Thai Airways 航機 , 預計約九點半到逹曼谷機場

終於飛啦 ~~~

空中高望香港 ... 真係好靚 ..

但要講聲 bye bye lu ~~

飛呀 , 飛呀 , 飛到天空中 ...

就到食晏 lu ~~

食飽飽後... 我就繼續訓 .....

訓醒就已經到左曼谷啦 ~

香港天氣台話曼谷嗰邊有雷暴 , 估唔到去到曼谷機場果然落緊大雨 .

香港天文台真係几準喎 ~~

落左機再望下鐘 ...

9:40 ... 都几準時 .. 只係比預定時間遲左兩個字 , 都ok呀

咁轉去蘇梅個班機係12:30 , 之前 plan 行程時 , 成日以為要搞好耐先轉到機 . 但原來係唔需要的 ... 搞到我地大失預算 , 最後要係機場度痴呆 3 小時 ~

係機場行來行去 . 行到悶 , 醒起有朋友仔話 Bangkok Airlines 係有提供候機室比 d 乘客休息架喎 .. 跟住行下行下就比我搵到

真係有個几靚既候機室 , 入面除左有免費食物飲品之外 , 仲有free wi-fi ,

可以慢慢玩 .. 等上機 . 唔洗再漫無目的周圍遊 , 几好 !

等到12:30 ... 終於夠鐘上機啦

今次轉機要坐接駁巴去登機 ~~

原來係螺旋槳機 , 係咁大雨搭 d一d 機都驚驚地 .

不過架機都好似好定咁 , 只係全程都有啲嘈 ~~

坐坐下 . 原來係咁短的機程都有飛機餐小食

今次係三文治 , 對一向唔食包的我 . 一d都唔吸引 , 只係咬左兩啖

而個甜品 , 個樣太奇怪啦 , 所以直頭無試到 ~

食完一陣 , 好快就到達lu ~~

蘇梅勁好天 . 陽光普照 .. 同曼谷真係好似兩個地方咁

到達後 , 拎好行理 , 大約係2:40 . 比預期遲左小小 .

跟住就出發去酒店

d兩晚將會入住d間酒店 : Impiana Resort Chaweng Noi Koh Samui

環境好靚 .. 不過無影太多相 ..

只係影左個靚靚大堂同對出個沙灘

跟住辦好手續就入房 ..

maybe book 房時講左係 honeymoon holiday ..

所以一入房就見到佢地

一對好靚的天鵝 ... 張床都好大張 ..

整體都好乾淨 .

安頓好曬 d 野後 , 當然係去沙灘行下啦

個沙灘好大 , 好靚 .. 仲好乾淨 ..

係到 hae 真係一流呀 !!

跟住原來酒店有專車去Chaweng市集 , 所以我地決定跟車出市集行街食晚飯

出到去 .. 周圍行 ... 行完就當然係搵食啦 ..

咁去到蘇梅就梗係食海鮮啦 , 成條街 d 餐廳都擺哂啲海鮮出門口 , 都唔知揀邊間好 !

最後我地就搵左間食多的餐廳入去食 ..

真係好多人架 ...

之後我地既是日晚餐係 seafood set dinner

有魚有蝦有蟹有魷魚 , 都只係千五泰殊

為反港紙都唔洗四舊水 , 真係超抵呀 !

本來我諗住order個椰青飲 , 點知佢話賣哂 , 所以唯有揀西瓜特飲啦 ~

食完野行多陣再嘆左杯星巴克咖啡 ,

跟住就搭酒店車返酒店訓 lu

第一日行程 ~ 完 ~