詩+ 部落

粉絲煮蜆 ～ 材料 ～ 靚蜆 1 斤 粉絲 1 包 《製作》 1. 靚蜆買回家後，用1匙鹽+少少油，等佢吐沙，粉絲浸水 2. 白鑊放蜆，一圈紹酒，加蓋，中小火煮 3. 隔住個蓋見到啲蜆開口就得 4. 開蓋夾起曬啲已開口既蜆後，將啲蜆水用隔網隔沙留用（幾靚既蜆都總會有少少沙） 5. 倒反啲蜆水加多1:1的水，煲滾後加粉絲，煮滾後加埋啲蜆，大火收汁 完成，食得😋 # 蜆 #粉絲 #美食 ****************************************************** Love & Thanks Silvia 詩詩 : tansilvia@hotmail.com www.tansilvia521.blogspot.com

 廣式梅菜豬腩肉 ～ 材料 ～ 五花腩 1 條 梅菜 1-2 棵  糖 2-3 匙 水 700ML  《 製作 》 1. 梅菜洗淨浸水 1-2小時 , 切碎 2. 豬腩肉凍水落煲起飛水 , 後切片 3.. 白鑊落豬肉 , 炒香至出油 , 好多油 4. 豬肉裝起隔油 , 油裝起可能炒菜用 5. 鑊落小小油 加糖, 炒出色 , 豬肉回鑊 , 炒香  6. 再加反梅菜 , 落糖 , 蠔油小小 , 最後加水滚後細火煮20-30分鐘 最後食前大火收汁 食得😋 因為係廣式 , 所以肉質唔同平時蒸個種 又淋又有油花 個種感覺...  不過就有咬口... 又好送飯 都好正架~~~ #廣式梅菜 #美食 ****************************************************** Love & Thanks Silvia 詩詩 : tansilvia@hotmail.com www.tansilvia521.blogspot.com

B仔雞翼尖 ～ 材料 ～ 無激素雞翼尖 1 包 蒜頭 1 整粒（切碎） 辣椒仔 2-3隻（切粒） 紹酒 200ml  雞湯 / 清水 300ml  糖 2 匙 《 製作 》 1. 雞翼尖凍水落煲起飛水 2. 紹酒落煲，滾起加蒜頭、辣椒仔，煲起 3. 加入雞翼尖，再加入雞湯/清水，再加糖 4. 滾起轉細火煲30分鐘 最後食前大火收汁 食得😋 #雞翼尖 #美食 ****************************************************** Love & Thanks Silvia 詩詩 : tansilvia@hotmail.com www.tansilvia521.blogspot.com