簡易BB蒸蛋糕
出面D蛋糕仔... 好多都超高糖... 所以作為媽媽... 梗係要自己落手落整反D低糖蛋糕比仔仔啦~~~ 簡易BB蒸蛋糕 ~ 材料 ~ 蛋 1 隻 面粉 30g 糖 10g 將蛋打落碗到 , 先用電動打蛋器打散 跟住加糖 ... 再打到企身 質地由好水咁變到好似漿糊咁 (即係了起d蛋白唔會滴水咁) 打好蛋白... 就篩麵粉 我會分 3 次篩 每次落小小用匙輕輕力咁順同一個方向搞 搞好後再篩 如此類推 , 直至拌入所有麵粉 , 無曬粒粒就為之OK 跟住就將個糊輕手咁倒入去預先預備好既杯仔入面 ( 大約50-70%滿) 跟住就用鍚紙包實 ( 以防有倒汗水 ) 跟住大火放入鑊到蒸 8-10分鐘 跟住拎出來用刀仔輕力一整.... 就會甩出來架啦 跟住 , 暖暖地即食又得... 放涼一陣留三點三食又得 SO EASY 搞點左啦 ^^ ****************************************************** Love & Thanks Silvia 詩詩 : tansilvia@hotmail.com www.tansilvia521.blogspot.com