山頂遊 @ 愚人節

終於打反d篇行山文 .. 

上個月 .. 天氣好好 . 

所以成日都想去周圍行下

就係d日 .. 就同老公提議去行下山頂 ... 

因為都好耐無去過 ~~ 

屋企樓下有15號巴士直到山頂，非常方便

車程約半個鐘，沿途仲有風景睇tim 

睇睇下 ... 轉頭就到左山頂廣場了

今日山頂都有好多人 .. 不過可能日日其實都有咁多人 .. 哈哈

上到去廣場旁邊有架鑬車

原來係新設嘅旅遊服務中心 , 可以方便遊客查詢又可以影下相

真係唔錯喎 

跟住就行去我開始行山既起點 

嗱 .. 係好多人個到先係入口呀 ... 

另一到上山個邊係車路來架 ~~ 

今日要挑戰既係 : 全長二千八百米既行山徑

不過佢全程道路平坦 , 屬易行之選 , 所以假日都有好多人

開始 .. 出發 ... 

行行下 .. 首先發現既係佢 

小瀑布約在起點 300m 

水都唔多滴 . 但都叫瀑布 . 仲有好多人係到影相 tim 呀

真係難明 ... 

再行 .... 去到某個位又可遠望薄扶林水塘

繼續行 ... 又到另一景點 : 印度橡樹

據資料板顯示 , 因為無播粉昆蟲 , 所以香港啲橡樹係唔會結果 ~~ 

跟住又到下個景點 : 盧吉道上嘅石椅 

真係好似好好好舊咁 , 唔知有冇過千年歷史呢 ~ 

坐都無坐又繼續向前行 ... 

行行下 . 就到倚山而建既盧吉道

嗯 ... 唔睇一下真係唔知原來係起得咁有型 .. 

但又好似好危險咁 ..

不過其實好安全的 ... 哈哈

再向前行小小 , 就到左一個好好 view 的地方 ... 

可以睇曬成個維港 ... .正呀 !!! 

我用傻瓜機都影到咁靚 .. 我諗大家用個d靚機影的話

一定仲正呀 !! 

跟住就差唔多係要落山 lu ~~~ 

望望地圖 .. 原來d條山路係可以行去香港仔架喎 ... 

好勁呀 ... 但又好似好難咁 ... 將來有機會先行下啦 .. 哈哈

跟住行行行 ... 終於反到終點啦 !!!!!

咁印象中以前細個上去凌宵閣睇影係好靚的 . 又唔洗錢 . 

所以就諗住上去望下啦 .. 

點之原來而家上去係要比錢架 ... ohno !!!! 

而家我地連最去欣賞香港景色既簡單權利都無埋啦 ..... 真係唔開心 ... 

不過唔緊要啦 ... 好彩去行山時都已經睇到香港好靚的一面 ... 

都叫有收獲 .. 

遲下等老公考完試後 .. 

再去多d地方玩下先... 

其實香港真係好大 ... 有好多地方都未去過.

要多d行下啦 ~~ 

******************************

~ 多謝收看 ~

Love & Thanks

詩詩 : tansilvia@hotmail.com

www.tansilvia521.blogspot.com