之前成日行過惠康 .. 老公總係會拎住d支酒係手 ..
睇睇睇 ... 睇好耐 ..
但最後又唔買喎 ....
咁作為一個好老婆 .. 雖然唔知支酒有咩吸引 ...
見價錢又平平地 .
所以就買來比佢試下啦 ~~~
跟住好奇問下老公 ... 點解2011年的 . 咁快飲得既 ??
之後佢話佢只係知Beaujolais Nouveau係法國葡萄酒產區Beaujolais出產嘅酒，"Nouveau"一字 於法文解作"新"或是”新制成”的意思，所以Beaujolais Nouveau 都稱為薄酒萊新酒。
咁之後老公再上網查返先知原來呢款酒大有來頭。每年11月第三個星期四係法國葡萄酒界嘅重要日子，呢日係當地都稱為『薄酒萊新酒日』，當地人會用新鮮釀製好的『薄酒萊新酒』來慶祝嗰年葡萄嘅收成，而法國政府更保留此傳統，規定『薄酒萊新酒』必須於每年11月第三個星期四喺全球各地同步上市。
Beaujolais Nouveau嘅特質係低單寧、果香重、味新鮮，因其丹寧低而不適合久存，宜年輕飲用及即開即飲，略冷凍至10-13度為最佳，大約推出市面後3個月左右就會過適飲期。
咁而家應該就係一個適飲期啦 .....
今晚煮左德國咸豬手 ... 配紅酒 .... 等我又試下 match 唔 match 先 ~~~
顏色淺淺的 ... 較淡色 , 有d偏淺紫紅色
果香味好豐富 , 超易入口
老公就話丹寧少 , 澀味唔強 ( 但我唔知乜叫丹寧囉 .. 哈哈)
總之佢個味就簡簡單單易飲易入口
$80 值得一試呀
沒有留言:
張貼留言