2012年1月31日

冬日滋潤補水 [CLINIQUE滋潤高效水嫩補濕霜]

每年冬天都發現補水真係超級重要 .. 
因為天氣真係好乾 . 就算你一日飲足八杯水 .. 
都未必真係可以為肌膚補充到足夠既水份 .. 
所以 .. 除左飲水 .. 就要加埋外full 先得啦 ~~ 



今次為大家介紹的 . 係佢



( HKD$350 / 50ml )
成份介紹 : 蘊含角鯊稀及紅藻類萃取液等主要成分,天然植物精華及蘆葦成分,特別舒緩及鎮靜乾渴脆弱肌膚。
功能 : 有效維持水分平衡,即時及持久密集式為肌膚補充水分,皮膚變得健康、豐盈、飽滿,水潤持續 24 小時。
使用方法 : 除了獨立使用,亦可與其它潤膚霜、粉底使用,甚至於睡前厚塗作面膜。
包裝 : 粉紅色玻璃樽 . 好高貴既外型 .. 真係引死人

跟住打開看下 ...
原來d cream 係白色架喎 ... 我仲以為會係淡粉紅色tim .. 哈哈 ~~~
上手質地
感覺都几厚身 . 但都几容易推開的 ...
跟住再加上按摩 ... 吸收得快好多 ~~
吸收後 . 更見光滑 .. 仲好飽滿添 ~~

咁因為我好小化妝 . 所以我無用過佢來當粉底霜用 ...
反而我會當佢做 sleep mask or deep water mask ~~~
因為我本身個鼻都係油油地的 ..
而油的原因當然係補水不足啦 ~~~
所以最近 , 每晚我都用佢來幫個鼻仔full 個厚 mask ~~
大約一個星期左右 . 油鼻bye bye ...
真係好開心 ... 佢個補濕能力真係几強 ...
我真係會愛上佢呀 ~~~

*****************

2012年1月23日

大年初一 , 恭喜發財 !!!

祝各位靚仔靚女的朋友們
身體健康 !
心想事成 !
招財進寶 !
出入平安 !
開開心心 !
笑口常開 !

2012年1月22日

入煮樂 @團年菜單 [ 附食譜 ]

今年的團年真的有點不同 .
因為我已成家啦 ...
所以今年團年 . 會分別到娘家及男家食團年晚宴 ..
但已成家的我 . 當然想兩小口子也來個團年晚宴吧 ..
所以小試牛刀 .. 煮一煮新年常見菜式
先來一個 :
鯊魚骨螺頭湯
材料 :
東方紅湯包 / 雪耳 1 朵 / 廋肉 20 蚊
做法 :
1. 鯊魚骨 & 雪耳 & 螺頭浸軟 ( 我通常會朝早起身反工前浸 , 收工後煲 )
2. 將所有材料放曬入煲 ..
3. 大火煲 30 分鐘 再轉細火煲 90 分煲
4. 最後熄火焗多 30 分鐘左右就飲得 ... ( 我連鹽都無落 , 已經好夠味 )
冬菇蠔豉炆魚肚 (配生菜)
材料 :
蒜頭 / 冬菇 / 蠔豉 / 海蔘 / 魚肚 / 生菜
( 蠔豉 - 熱水浸軟 / 魚肚 , 冬菇用水浸軟 , 冬菇去蒂 )
( 海蔘切片後 , 用薑蔥出水 , 過一過冷河 . 再用小小麻油醃一醃 )
汁料 :
紹酒 / 蠔油 / 麻油 / 糖 / 水
做法 :
1. 放蒜頭落鑊爆香 , 加入冬菇 & 蠔豉略炒一陣
2. 跟住就贊酒 , 等佢有啲香味 , 加入汁料 , 待汁料煮滾後 , 轉細火後炆一陣間
3. 再落埋啲海參一齊炆 (海參記得唔好咁早落鑊炆 , 因為過火會煮到溶哂)
4. 炆至所有材料腍身就攪掂 , 最後加少許麻油 , 上碟

檸檬雞翼
材料 :
雞翼 12 隻 / 片榶 1 塊(切碎) / 薑 4 片 / 檸檬 1 個 (切片)
汁料 :
麻油 , 老抽 , 蠔油 各 1 匙
做法 :
1. 燒熱個鑊 , 下油 , 油熱後下薑 , 爆香
2. 下雞翼 , 炒到表面轉熟熟地既色 , 轉中火
3. 跟住先加入檸檬片 , 再加入汁料 . 最後加埋片糖 , 轉細火 , 用蓋等佢自己炆大約15-20分鐘 , 搞點
* 如果係雪藏雞翼 , 因為佢會出水 , 所以可以唔洗加水 , 但期間要耐唔時打開看下 , 以免燶 *

甜酸蝦球
急凍蝦仁 12 隻 / 三色椒各一
汁料 :
茄汁 , 白沙糖 , 醋 ( 按個人喜好控制份量 )
1. 蝦仁先過一過水
2. 三色椒炒熟 , 加入蝦仁 , 加入汁料 , 搞點

蒸魚
就係咁 ...
四送一湯 ... 白餅任裝


這就是我們兩小口子的團年晚宴 ^_^

2012年1月17日

過年大"紫"甲 ~~~ yeah !!!

年 ... 又過年  .... 
時間過得真係快呀 .. 
仲有不足一個星期就過年啦 ~~~ 

所以前几日去左做個靚靚 gel 甲 ... 

紅色好似太成熟 .. 唔岩我啦 .. 
咁我想大紫大紅下 ... 就來個大紫吧 !!!!

係咪好紫呢 .... 真係好鐘意呀 ~~~~ 

預祝大家 : 
龍年行好運 . 心想事成 !! 

2012年1月9日

過年轉"髮" ... 失敗鳥 ~~~~

臨近過年 .. 諗住去剪下頭髮 ... 染下色 ..
點之兩者都失敗左 ...
先係去剪 ... 諗住簡簡單單 .. only 剪薄d同碎d ... 結果 . 就變左個大頭bb咁 !! 
跟住回家再來個自家製染髮 ... 平時都無問題 . 唔知搞乜今次又唔上色 ....
結果 .. 就變成咁 

唉 ... 真係好唔開心 ..
不過都無計啦 

2012年1月5日

減肥變脹爆 ??? [SkinPeptoxyl Detoxifier SPA食住秀]

唔知大家記唔記得 12月初時 . 我開始食佢呢 ??
到而家 . 大大話話都食左成個几月啦 ...
結果真係我意想不到 ...
但唔係意想不到的有效 ... 係意想不到的脹爆 ..
唉 ~~~
先看看我未開始食時的肥面仔 ...
其實肥我就一向都係架啦 ....
但好在我塊面一向都尖尖地 ... 影相面尖絕對係呃到人 ....
未食葯前 ... 塊面都仲係好尖 (我自己覺得係) ...
跟住到食左聖誕 ... 朋友見到我問我係咪肥左好多 ...
因為塊面脹左好多 ~~
d張高炒自拍 .. 平時好少高炒影相的我 ..
點解要咁影 ??? 無錯 , 因為唔高炒的話 . 係唔會面尖 ...
同埋大家應該都見到兩邊面超多肉 ... 脹左好多 ..
就係因為咁 . 我決定係聖誕時 .. 由之前 only 午餐同晚餐先食變為早午晚三餐前都食葯 ...
但到左今日 ... 結果 !!!!
我個尖下巴無左 . 變左好多肉 ... 仲好似有小小雙下巴 !!!!
oh my god !!!!
真係唔知點解 .
d 葯越食越肥 !!! 真係唔知點解 ....
so far 只係一個月 .. 點解會變化得咁大 ..
我真係好唔開心 .. 同埋食左葯之後便便次數小左 ...
但又成日谷住谷住咁 ... 唉 . 好怪 ...
可能係我個人體質問題 ... 隻葯唔岩我食啦 ~~~
而家我仲有食緊 .. 但都開始考慮停左去 ..
因為越食越肥真係嚇死隔離 ... 

最後 .. 加多張大合照 ..
等大家睇下我係咪真係肥左好多 !!

**********************
除左留言 , 有咩仲可以 email 比我 : tansilvia.hotmail.com
Love & Thanks